E rëndë në Greqi, mbytet në liqen 22-vjeçari shqiptar

Një ngjarje e rëndë ka ndodhur në Greqi, ku një i ri ka humbur jetën duke u mbytur në liqen.

Sipas mediave greke, viktima është 22 vjeç, identiteti  i të cilit ende nuk bëhet i ditur.

Ngjarja ndodhi në Messenia të dielën në mbrëmje ku shqiptari kishte shkuar së bashku me një shok për të notuar në liqen.

Disa sekonda pasi kishin hyrë në ujë, 22-vjeçari u zhduk. Shoku i tij nuk mund ta gjente më dhe vendosi për të kërkuar ndihmë. Ai njoftoi policinë, të cilët shkuan në vendngjarje. Për të gjetur 22-vjeçarin shqiptar, një ekip zhytësish u futën në liqen.

Fatkeqësisht, shqiptari u gjet i pajetë. Dyshohet se ka humbur jetën nga mbytja, megjithatë do të kryhet ekspertiza mjeko-ligjore për të përcaktuar shkaqet e sakta.