E bujshme, Skënder Gega largohet nga Partizani

Edhe pse fitoi titullin kampion pas 26 vitesh dhe bëri një sezon për tu marrë shembull, Skënder Gega nuk do të jetë më trajneri i Partizanit.

Lajmi ende nuk është konfirmuar zyrtarisht, por burime bëjnë me dije se tekniku tropojan është larguar nga “klubi i kuq”.

Trajneri 55-vjeçar kishte kontratë me Partizanin për këtë sezon dhe mësohet se palët nuk kanë gjetur gjuhën e përbashkët. Skënder Gega erdhi në drejtim të Partizanit në verën e vitit 2018, dhe që në vitin e parë arriti të rikthejë në shtëpinë e kuqe titullin kampion, pas plot 26 vitesh mungesë.

Në 36 javë kampionati, Partizanin nën drejtimin e Gegës e mbylli me 70 pikë, teksa arriti plot 20 fitore, 10 barazime dhe 6 humbje.