E bujshme, mbrojtësi i kombëtares shqiptare firmos me kampionët e Greqisë

Enea Mihaj duket se do të jetë futbollisti shqiptar që do të bëjë lëvizjen më të bujshme në këtë merkato vere. 21-vjecari që luan me Pantelikos në Greqi, raportohet se ka firmosur në Superligën helene me kampionët e PAOK.

Disa sezone të mira me Pantelikos duket se e kanë bindur PAOK që ta afrojë Mihajn, duke e cilësuar si një element shumë pozitiv në repartin difensiv të vlefshëm për sezonin e ri por edhe për Ligën e Kampionëve, aty ku PAOK do të kërkojë të bëjë surprizën e madhe për të kaluar grupet.

Portali grek i lajmeve, “Sportime” raporton se palët e kanë gjetur gjuhën e përbashkët dhe brenda këtyre dy ditëve pritet zyrtarizmi i marrëveshjes.

Më herët për PAOK ka luajtur edhe mesfushori kuqezi, Ergys Kaçe.