LIGJET E BIZNESIT
Kur duhen edhe dy ditë nga dita kur do të mbahen votimet për pushtetin lokal, ambasada amerikane në Tiranë ka lëshuar një apel të fortë për të gjithë aktorët e politikës shqiptare.
Përmes një postimi në rrjetet sociale, selia diplomatike bën apel për paqe dhe distancim nga dhuna për të gjithë.
Ajo i nxit aktorët politik që të gjejnë një rrugë drejt dialogut dhe se dhuna nuk përbën shprehje të mendimit politik.
Në fund ambasada e SHBA kërkon që pas 30 qershorit palët të ulen dhe të përshpejtojnë ritmin për krijimin e institucioneve të drejtësisë së re.
“Ambasada e Shteteve të Bashkuara të Amerikës i bën thirrje të gjithë udhëheqësve politikë, zyrtarëve të qeverisë, agjencive të sigurisë dhe qytetarëve shqiptarë që të sigurohen që zgjedhjet e 30 qershorit të zhvillohen në mënyrë të qetë dhe transparente. Ne nxisim udhëheqësit politikë të refuzojnë çdo dhe të gjitha llojet e dhunës, apo çdo përpjekje për të penguar procesin zgjedhor apo edhe të drejtën e çdo qytetari për të votuar. Dhuna nuk është një mënyrë legjitime e të shprehurit politik. Ata që përfshihen në akte dhune duhen hetuar me të gjithë fuqinë e ligjit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Shtetet e Bashkuara do të kenë ekipe vëzhguesish në qendrat e votimit dhe qendrat e numërimit në mbarë Shqipërinë. Ne do të mbështetemi në raportin e OSBE/ODIHR-it për të vlerësuar rregullsinë e votimit.
Ne nxisim udhëheqësit politikë që, pas zgjedhjeve të së dielës, të rikthejnë vëmendjen e tyre në forcimin e institucioneve demokratike shqiptare dhe zbatimin e ligjit, përfshirë edhe ecjen përpara me ngritjen e një Gjykate Kushtetuese të drejtuar nga gjykatës të cilët e kanë kaluar vetingun. Miratimi i reformave zgjedhore dhe zbatimi i reformës në drejtësi janë thelbësore për aspiratat europiane të Shqipërisë dhe për ngritjen e demokracisë së fortë që i shërben të gjithë shqiptarëve.”- thuhet në njoftimin e ambasadës.
