“Do ketë vëllavrasje në 30 qershor” ish-deputeti i PD sqaron deklaratën shokuese

Ish-deputeti i Partisë Demokratike në Elbasan, Aurel Bylykbashi u bë viral me deklaratën e tij të fortë se në 30 qershor mund të ketë edhe vëllavrasje dhe përplasje të forta.

Por i ftuar në emisionin “Dritare”, Bylykbashi ka sqaruar këtë deklaratë të tij, duke thënë se ai gjithmonë është dhe ka qenë për paqen dhe jo konfliktin civil.

“Në prirjen time, është paqja jo dhuna. Ajo që thashë është marrë nga nëntekst dhe konteksti që e kam thënë. Ky vend ka nevojë për njerëz që flasin hapur. Unë kam folur hapur aty. Ai që po e detyron qytetarët shqiptare, në përçarje, konflikt civil dhe vëllavrasje është kryeministri.”,- tha Bylykbashi.