Detaje të rënda nga vrasja e gruas në Vlorë, zbulohet shkaku pse burri e masakroi me sopatë

Detaje të reja kanë dalë nga ngjarja e rëndë që tronditi Vlorën pak momente më parë, ku një burrë vrau me sëpatë gruan e tij.

Krimi i rëndë ndodhi në fshatin Babicë të Vlorës.

Policia ka arrestuar autorin e krimit. 56-vjecarin Lavdosh Sulo, ndërsa viktimë ka mbetur gruaja e tij Laureta Sulo.

Mësohet se shkaku i këtij krimi ka qenë xhelozia.

Njoftimi i policisë:

Në orën 12:52, në fshatin Babicë e Madhe, Vlorë, pas një konflikti në familje dyshohet se shtetasi L. S., 56 vjeç, ka goditur me mjet të fortë (levë hekuri) bashkëshorten e tij 44 vjeçare L.S.

E dëmtuara u shoqërua për ndihmë mjekësore në Spitalin e Vlorës, por për shkak të dëmtimeve të marra në orën 13:30, njofton Spitali se ka ndërruar jetë.

Policia ka shoqëruar menjëherë bashkëshortin, shtetasin L.S., si autorin e dyshuar në lidhje me ngjarjen për të cilin po vijojnë veprimet e mëtejshme në lidhje me arrestimin e tij.

Grupi hetimor ndodhet në vendin e ngjarjes duke kryer veprimet hetimore në lidhje me sqarimin e rrethanave.