Dështon seanca për dosjen “Habilaj” te Krimet e Rënda

Ka dështuar seanca gjyqësore te Krimet e Rënda për grupin Habilaj të akuzuar për trafik të lëndëvë narkotike.

Arsyeja e dështimit të seancës është bërë fakti që ende nuk ka mbërritur një letërporosi nga Italia për grupin Habilaj ku të vërtetohet se të pandehurit kanë marrë njoftim për fillimin e procesit gjyqësor edhe në vendin tonë.

Gjykata e Katanias do të zhvillojë më 13 qershor seancë për Habilajt.

8 anëtarët e grupit ‘Habilaj’ : Moisi Habilaj, Florjan Habilaj, Fatmir Minaj, Nezar Seiti, Sabaudin Çela, Tigrens Mezuaraj, Maridjan Sulaj dhe Armando Sulaj ndodhen në paraburgim në Itali, ndërsa Armando Kocerri ndodhet në Shqipëri.

Kocerri u arrestua së bashku me Nazer Seitin, ky i fundit, u ekstradua disa muaj më parë në Itali, ku edhe është duke u gjykuar.

Prokuroria akuzon 9 të pandehurit, se në kuadër të grupit të strukturuar kriminal, pasi kanë trafikuar tonelata me drogë drejt Italisë.