LIGJET E BIZNESIT
Ralf Gjoni, deputet i dalë nga listat e LSI, dikur një nga njerëzit më të afërt të Ilir Metës në drejtimin e partisë, tashmë është duke marrë pozicionime shumë të forta kundër partisë së tij dhe Ish-kryetarit të saj. Përmes një prononcimi për shqiptarja.com, Gjoni ka thënë se kriza politikë në vend po degradon çdo ditë dhe më shumë.
Edhe pse nuk e thotë prerë, me nënkuptim Gjoni është dakord që të votojë pro shkarkimit të Ilir Metës, por me një kusht të vetëm. Ai kërkon që bashkë me këtë iniciative të bëhen ndryshimet kushtetuese për të garantuar një ndryshim të sistemit zgjedhor.
“Nuk kemi përpara ende asnjë akt parlamentar për shkarkimin e Presidentit. Por kriza aktuale politike po kthehet në një situatë tragji-komike e cila na imponon gjetjen e një zgjidhjeje në Kuvend. Papërgjegjshmëria e kësaj klase të mbaruar politike po dëmton interesat tona kombëtare dhe po shkatërron të ardhmen tonë. Ndaj dhe angazhimi im parlamentar dhe vota ime në Kuvend do të udhëhiqen para së gjithash nga ndryshimi radikal i sistemit zgjedhor, hapja e listave dhe ligji për partitë politike, si strumbullarë të gjithçkaje të mbrapshtë në këtë vend. Ndaj dhe vota ime mbetet e kushtëzuar me ndryshimin e sistemit zgjedhor dhe korrigjimin e masakrës elektorale te vitit 2008″, tha Gjoni.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
