Ministrja e Mbrojtjes, Olta Xhaçka ishte këtë të martë në zonat e prekura nga tërmeti në Korçë.
E shoqëruar nga pushtetarët lokal, Xhaçka ka premtuar për të gjithë banorët rindërtimin e banesave të tyre, veçse duhet të bëjnë pak durim.
Sipas ministres së mbrojtjes, për banorët e prekur do të ketë dëmshpërblime dhe rindërtim të shtëpive në kohë rekord.
“Do ju ndihmojmë të rimëkëmbim çdo gjë që keni humbur. Këto janë ditë të vështira, por ne do bëjmë maksimumin. Në mënyrë sa më të shpejtë do përpiqemi t’ju dëmshpërblejmë. Të gjithë shtëpitë do të rregullohen. Bëni vetëm pak durim, sepse këto janë ditë të vështira”, u shpreh Xhaçka.
