LIGJET E BIZNESIT
Avokati Spartak Ngjela dhe ish-deputeti i PD, Ervin Salianji janë përballur shumë ashpër në debat në emisionin “Open”. Ngjela dhe Salianji kanë shkëmbyer me njëri – tjetrin akuza shumë të ashpra, duke i kujtuar disa ngjarje të bujshme të së shkuarës.
Salianji i kujtoi Salianjit origjinën nga fshatrat e Korçës, teksa ky i fundit kishte thënë më herët se në 2011 4 protestues të vrarë ishin pak.
“Ai është kryetar partie dhe nuk ka kandidat në zgjedhje. E sheh kush flet”, tha Salianji.
“Ku je këtu, në fshatrat e Korçës, je në Tiranë. Eni bën gabim që na sjell njerëz pa intelekt. E kam goditur pushtetin komunist dhe nuk kam kërkuar pafajësi”, tha Ngjela.
Debati i plotë Salianji – Ngjela:
Salianji: Më 2011 katër janë pak, 400 duheshin vrarë.
Reagon Ngjela: S’je në fshatrat e Korçës, je në Tiranë. Ik vidh misrat e kryetarit të kooperativës”
Salianji: Përgjigju për këtë
Ngjela: Zonjë mos merr njerëz pa intelekt këtu
Salianji: Dil ruaj një etikë profesionale
Ngjela: Do marr maskën tënde se e ke kooperativist sa
Salianji: Ti je i çmendur
Saljanji ka provokuar avokatin si i burgosur politik, duke i thënë se “ju keni luftuar kundër diktaturës, ndërsa sot jeni me Ramën”.
Por ka qenë i menjëhershëm reagimi i avokat Ngjelës: “Unë zotëri nuk kam kërkuar pafajsi por ndryshim të regjimit, jam njeri me integritet dhe nuk jam lake, bëj jetën time private dhe shkruaj 600 faqe në vit. Nuk mund të më analizoj një injorant” tha Ngjela.
