LIGJET E BIZNESIT
Kryetari i bashkisë Tiranë, Erion Veliaj kur bënte fushatë në vitin 2015 mes lumit të madh të premtimeve për kryeqytetasit, u zotua që qyteti do të kishte ujë më të mirë dhe me orare më të zgjatura.
Për këtë premtim, Veliaj iu kërkoi qytetarëve të Tiranës edhe rritjen e çmimit të ujit, që ai të ishte njëlloj me çmimin në shumë bashki të tjera në vend. Pas rritjes së çmimin kryebashkiaku iu kërkoi qytetarëve të Tiranës edhe të ndryshon sahatet e ujit, duke iu faturuar nga një ‘pagesë modeste’ prej 30 deri 40 mijë lekë të vjetra.
Por zotimi i kryebashkiakut Veliaj për më shumë ujë cilësor në Tiranë ka mbetur në letër dhe në arkivat e televizioneve shqiptare. Për rritje të orarit me furnizim me ujë nuk bëhet fjalë, por edhe cilësia është në kufijtë e një skandali të madh. Një qytetar ka dërguar në redaksinë e Fast News Albania një video nga momenti i pastrimit të një depozite uji të përbashkët, nga ku marrin ujin banorët e tre pallateve.
Bëhet fjalë për një nga zonat më të populluara në kryeqytet, një kompleks pranë rrugës “Jordan Misja” ku banorët me angazhimin e tyre kanë marrë përsipër që të pastrojnë këtë depozitë të përbashkët. Ky pastrim bëhet pas 6 vitesh dhe siç duket në video, uji nuk është në asnjë lloj konidcioni për t’u quajtur i pijshëm.
Teksa banorët e këtij kompleksi thanë për Fast News Albania se nuk lënë asnjë faturë uji pa paguar, shërbimi që iu ofrohet nga UKT është gati skandaloz. Nëse nga ky ujë merren infeksione apo ndonjë sëmundje nga banorët e këtyre pallateve, kush do duhet ta mbante përgjegjësinë?
