“Çdo e keqe e ka një të mirë”, cili është premtimi që Rama u bëri banorëve të prekur nga tërmeti në Floq

Dje kryeministri Edi Rama ka vizituar banorët e Floqit, të cilët kanë humbur banesat e tyre për shkak të tërmetit që ra disa ditë më parë.

Prej disa ditësh ata qëndrojnë në çadra të improvizuara dhe në ambjente shkolle të përshtatura aty për aty.

Meraku më i madh i banorëve është rindërtimi i banesave edhe pse nuk kanë munguar ndihmat nga ana e bizneseve, fondacioneve si edhe qytetarëve të shumtë.

Kryeministri Edi Rama i ka vizituar banorët të cilët po qëndrojnë ende në çadra edhe pse disa prej tyre janë sistemuar në ambjentet e shkollës që u përshtatën për ta.

Ai i ka premtuar banorëve rindërtimin sa më shpejt të shtëpive si dhe dëmshpërblimin e atyre që kanë pësuar dëmtime të pjesshme.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sapo mbërriti në Floq, Rama nisi të vizitojë banorët në çadra dhe diskutoi për zgjidhjen që do të jepet brenda verës dhe shkoi për të takuar dhe ata që këto ditë po qëndrojnë në një ambjent të përshtatur në shkollën e fshatit.

“Kemi bërë gati bilancin e dëmeve dhe planin e veprimeve. Brenda verës do ndërtohen dhe në fillim të vjeshtës ju do të jeni në shtëpitë tuaja. Kjo ishte një e keqe që nuk e ndalonim dot, por që do vijë me të mirën e vet dhe që shtëpitë do jenë më të mira sesa ishin më parë. Do t’ju ndihmojmë edhe për pjesën e orendive”, u premtoi Rama banorëve.

Ndërkohë, nga ana tjetër, kreu i Bashkisë Korçë, Sotiraq Filo, tha se tashmë ka përfunduar dhe procesi për evidentimin e dëmeve paraprake në të gjitha zonat e prekura.