Bill Clinton mbërrin në Kosovë, pritet me nderime në aeroport

Ish-presidenti i SHBA, Bill Clinton ka mbërritur sot në Kosovë.

Vizita zhvillohet në kuadër të 20-vjetorit të Çlirimit të Kosovës dhe hyrjes së trupave të NATO-s.

Sipas raportimit që bëjnë mediat kosovare, Bill Clinton është pritur me nderime në aeroport nga ish-presidentja Atifete Jahjaga dhe ministri i Punëve të Jashtme të Kosovës, Behgjet Pacolli.

“Mirë se vjen në familjen tënde, në Kosovë, zoti President,”– mësohet t’i jetë drejtuar Pacolli Clintonit.

Ish presidenti amerikan do të marrë pjesë në ceremonitë kushtuar 20-vjetorit të çlirimit të Kosovës.

Sot  ai do të takohet me presidentin e Kosovës, Hashim Thaçi dhe më pas me kryeministrin Ramush Haradinaj.

Gjatë takimit me presidentin Thaçi, ish presidenti amerikan Bill Clinton do të dekorohet.