Baton Haxhiu nxjerr emrat: Tre ish-ministra të Ramës bashkëpunëtorë të Metës dhe Berishës

Vendimi i djeshëm i marrë nga presidenti Ilir Meta për të shfuqizuar dekretin e zgjedhjeve vendore të 30 qershorit, vijon të shkaktojë reagime.

Gazetari i njohur dhe analisti nga Kosova, Baton Haxhiu me anë të një analize. Rendit argumentet se pse sips tij Kuvendi duhet të shkarkojë Ilir Metën.

Ndërkohë Haxhiu akuzon 3 ish-ministra të rëndësishëm të Ramës, që i cilëson bashkëpunëtorë të Metës dhe Berishës.

Sipas Haxhiut ata janë: Ditmir Bushati, Niko Peleshi dhe Arben Ahmetaj.

“Shqipëria për pothuajse 30 vite nuk ka arritur të prodhojë një klimë normale elektorale dhe një ambient të favorshëm demokratik. Pikërisht për shkak të njerëzve të politikës si Meta, Berisha dhe bashkëpunëtorëve të tyre të heshtur nga radhët e PS-së, si Ditmir Bushati, Niko Peleshi dhe Arben Ahmetaj. Këta të fundit, në mënyrë të heshtur, janë në pritje të thellimit të krizës së Ilir Metës në mënyrë që t’i rifitojnë privilegjet e humbura”, shkruan Haxhiu.

Ai shkon më tej, kur akuzon ish-ministrin e Jashtëm, Ditmir Bushati, se i ka shkruajtur letër Metës me vulë sekrete kur kishte humbur detyrën, kundër Ramës dhe Cakajt.

“Në fakt, vetë Bushati kur kishte humbur detyrën kishte dërguar një letër në Presidencë tek Meta, me vulë sekrete, kundër Ramës dhe Cakajt duke gënjyer me paturpësi. I njëjti ka vazhduar të flasë me pezëm e mëri kundër Ramës e Cakajt në vizitën e tij të fundit në Vjenë në kuadër të angazhimeve të tij në OSBE. Pikërisht ngaqë tashmë është krijuar një rreth kundërshtarësh politikë të cilët më nuk zgjedhin mjete për t’ia gërryer Ramës terrenin politik ngadalë, por sigurt. Në këtë situatë, Rama assesi nuk duhet të përgjigjet duke bërë makinacione politike ndaj këtyre njerëzve. Në fakt, Rama thjesht duhet të bëjë veprimin më dinjitoz kombëtar në kuadër të rrethanave aktuale: shkarkimin e Ilir Metës nga detyra e Presidentit të Shqipërisë”, shkruan Baton Haxhiu.