Basha i tregoi burgun, Lleshaj i kthehet me të njëjtën monedhë

Ka vijuar edhe sot e fortë përplasja mes kryetarit të Opozitës, Lulzim Basha dhe ministrit të Brendshëm, Sandër Lleshaj.

Pas deklaratave të ashpra të Basha, që foli për burgosjen e ministrit, ky i fundit i është përgjigjur përmes rrjeteve sociale me të njëjtën gjuhë të ashpër.

Lleshaj ka theksuar në reagimin e tij se Basha si një i pandehur i shumëfishtë ka filluar që gjatë natës të jetë gueril dhe gjatë ditës të bëhet prokuror.

“Lulzim Basha vazhdon të hedhë natën zjarr dhe ditën kërcënime kundër shkollave, zgjedhjeve, policisë etj. Natën bëhet gueriles dhe ditën prokuror, ndërkohë që është thjesht një i pandehur i shumëfishtë. Keqardhje për degradimin”, shkruan Lleshaj.