E qetë dhe pa asnjë incident është mbyllur kjo protestë e nëntë e Opozitës. Lulzim Basha që nga momenti parë që doli në shesh ka qenë në krye të protestës bashkë me Monika Kryemadhin dhe aleatët e tjerë të PD-së.
Basha si zakonisht në mbyllje të protestës foli nga selia e Partisë Demokratike, ku përsëriti tre kushtet që nuk do të negociohen për të dalë nga kriza politike.
“Mirënjohjen që i falët sot Shqipërisë, shpresën e bukur e të vërtetë të ndryshimit që po vjen dhe nuk ka forcë që ta ndalë. Mirënjohje për ju vëllezër e motra që sonte e shkatërruat një plan djallëzor për të hequr nga qafa e Edi Ramës kularin që i ka vënë Europa. që ju nuk ndihmuat Edi Ramën për ta hequr këtë kular me skenarin e tij sepse nuk ratë pre e provokimit për të mbytur këtë skandal por e bëtë të pakthyeshëm fatin politik të kufomës politike të Edi Ramës dhe organizatës së tij kriminale të Rilindjes. mirënjohje të madhe për të gjithë qytetarët e Tiranës, për të gjithë qytetarët q u bashkuan nga Vermoshi në Konispol dhe u derdhën sot si oqeani i shpresës që nisi ndryshimin e madh. Asgjë nuk na ndal asnjë hap pas nuk hedhim. 30 qershori është varreza politike e Edi Ramës. Zgjedhje pa opozitën nuk ka dhe nuk do të ketë kurrë. Por sonte me bekimin dhe kërkesën tuaj, qëndrimit tonë politik për zgjidhjen e kësaj krize përmes kushtit të panegociushëm të largimit të Edi Ramës të një qeverie tranzitore që do të përgatisë vendin për zgjedhje të lira e të ndershme i shtohet një tjetër kusht i panegociueshëm, arrestimit dhe çuarja para drejtësisë i hajdutëve të votave tuaja. Nga i pari tek i fundit”, deklaroi Basha.
Më tej Basha ka kërkuar lirimin e ish-deputetit Bardhi dhe të të gjithë protestuesve, duke lëshuar edhe një kërcënim për ministrin Lleshaj që sipas Bashës do i zëvendsojë ata në qëlitë e burgjeve.
“Nuk ka paqe pa drejtësi, nuk do të ketë në Shqipëri zgjedhje të lira pa çuar para drejtësisë hajdutët e zgjedhjeve. Duke kujtuar me respekt dhe mirënjohje çdo liberator të arrestuar dhe të mbajtur padrejtësisht në burg, nga Bardh Spahia me shokë, dua t’i them kupolës mafioze, të gjithë veglave qorre, nga Sandër Lleshaj tek kushdo shkel ligjin, shumë shpejt do ta zëvendësoni Bardh Spahinë në qeli, ju do të shkoni atje. Beteja do të vazhdojë ditë për ditë orë për orë. Mirënjohje nënave dhe të rinjve që e kthyen në protestën më të bukur, armatë e lirisë dhe demokracisë”, tha Basha.
