Basha drejton protestën te Parlamenti, Rama “kundërpërgjigjet” me një foto të djalit

Opozita është në shesh për herë të nëntë në një protestë kombëtare. Pas një fjale të gjatë para kryeministrisë, Basha e drejtoi protestën për te Parlamenti.

Por në këtë situatë, ka ardhur edhe reagimi nga ana e kryeministrit Rama.

Përmes një foto të publikuar në rrjetet sociale, Rama shfaqet në krahë të familjes së tij bashkë me ish-presidentin e Francës, Nikola Sarkozi. Në foton e publikuar nga Rama duket se qendra e vëmendjes është djali i tij i vogël, Zaho.

Kreu i qeverisë ndodhet i shoqëruar nga bashkëshortja e tij Linda Rama, dhe djali i tyre Zaho. Rama takoi në kryeministri ish-presidentin francez i cili mbërriti me bashkëshorten e tij Karla Bruni, kantautore e njohure cila dhuroi një koncert në Butrint me këngët e saj në Ditën e Festës së Muzikës.