LIGJET E BIZNESIT
Kryetari i Grupit Parlamentar i Partisë Socialiste, Taulant Balla ka vijuar me akuzat dhe ironizimet e tij ndaj presidentit Meta. Këtë herë përmes një postimi në rrjetet sociale, Balla ka vijuar mendimin e tij se zgjedhjet do duhet të bëhen në datën e përcaktuar, më 30 qershor.
Balla thotë me ironi në postimin e tij se ka dëgjuar se Meta është sëmurë dhe se për këtë arsye po ia shkruan mendimin e tij në lidhje me dekretin e datës 8 qershor për anulimin e zgjedhjeve.
Postimi i Taulant Ballës:
Dëgjova nga Presidenti Meta qe ka qene i sëmurë ne këtë periudhe dhe nuk dëgjon mire!
I uroj ne emër te Grupit Parlamentar shërim te shpejte dhe meqë nuk dëgjon mire po i’a shkruaj si Kryetar i Grupit:
Zoti President ju nuk keni asgjë ne dore lidhur me datën e zgjedhjeve te dekretuar prej Jush.
ZGJEDHJET DO TE MBAHEN MË 30 QERSHOR, ne respekt te plote te dekretit te nxjerre prej Jush ne respekt te detyrimit kushtetues qe keni.
Ndërsa çdekreti Juaj është një lajthitje antikushtetuese, qe meriton te gjithe vëmendjen e Parlamentit, te cilën do ta keni te plote te enjten, ku do te miratojmë edhe Rezolutën përkatëse lidhur me lajthitjen ne fjale.
Te shkuara edhe njëherë Zoti President!
