As Inter apo Juventus, ky është klubi italian që ka bërë ofertën e parë zyrtare për Hysaj

Elseid Hysaj dhe ardhmja e tij vijon të jetë një telenovelë për mediet shqiptare dhe ato italiane. Interi dhe Juventus janë paraqitur si dy ekipet që kanë kërkuar më shumë shkodranin. Por sot nga gazetat italiane ka dalë në skenë edhe Roma.

Klubi kryeqytetas ka bërë edhe një ofertë zyrtare për mbrojtësin kuqezi që shkon deri në shifrën e 23 milionë eurove.

Tashmë pritet se cila do të jetë përgjigja e Napolit dhe e Hysajt karshi këtij propozimi zyrtar nga Roma.