Artan Hoxha bën paralajmërimin e frikshëm: Do të ketë një 97’ të dytë, është dhënë urdhër

Gazetari investigativ Artan Hoxha teksa ka qenë i ftuar në emisionin “Repolitix” është shprehur se me zhvillimet që kanë ndodhur kohët e fundit në vend situata mund të agravojë dhe do të ndodhë një 97’ e dytë.

Gazetari shton se në vitin 97 doli populli se kishin humbur paratë, ndërsa tani është një situatë e urdhëruar dhe se Presidenti Meta me dekretin qe ka firmosur ka futur në përleshje Policinë Bashkiake me atë të Shtetit.

Në fund të deklaratës Hoxha thote se Edi Rama duhet t’i dalë për zot qytetarëve ose të japë dorëheqjen dhe të shpëtojë të ardhmen e vendit.

“Zhvillimet kanë dëshmuar se situata mund të eksalojë. Si në 97 dhe 98 aksioni nis nga Tropoja dhe pastaj zbret poshtë. Situatat e krijuara janë bërë shumë dhe ajo që të bën përshtypje është se nëse i shikon pamjet do ishte gjysma e së keqes nëse do ishin qytetarë. Po ata janë të gjithë punonjës të policisë që paguhen me taksat tona. Fakti që pjesa dërrmuese janë policë ose punonjës shteti është problem shumë i madh. Ato materiale zgjedhore kanë stemën e Republikës së Shqipërisë. Ato janë materiale zgjedhore, nuk janë të Edi Ramës. Materialet zgjedhore transportoji diku por mos i dëmto. Fakti që ato janë të vendosura në prona publike e bëjnë dhunën të dyfishtë.

Në 97 doli populli se kishin humbur paratë dhe përfituan partitë, ndërsa në rastin konkret kemi të bëjmë me një gjë të urdhëruar. Me dekretin presidenti ka futur në përleshje Policinë Bashkiake me Policinë e Shtetit. Kjo është si puna e protestave që kur do lajmërojnë për akte dhune, ka kur thonë s’do ketë, nuk ka. Nuk është zgjidhje dhuna, ajo nuk na çon askund. Duket sikur palët duan që aty të ketë viktima.

Kjo formë që po përdoret për të penguar ose për të mundësuar 30 qershorin është e gabuar. Sot ishin dy aktivitete, kandidati për Bashkinë e Tiranës dhe kreu i qeverisë vijonin fushatë. Ai ka për detyrë të garantojë rendin dhe sigurinë. Nëse është i paaftë ta bëjë këtë gjë, dhe me sa kanë dëshmuar janë të paaftë me situatën që pamë në Kukës. Edi Rama është organizator i zgjedhjeve. Nëse Edi Rama ka këllqe duhet t’i dalë për Zot qytetarëve dhe të mos bëjë fushata paralele, ose të japë dorëheqjen të shpëtojë të ardhmen e këtij vendi. Atëherë ose zbato ligjin, ose mos rri”, deklaroi Artan Hoxha.