Arta Marku rikthehet në Kuvend, cilat janë çështjet kryesore të seancës së sotme

Në seancën e sotme në Kuvend do të mbajë fjalim Kryeprokurorja e Përgjithshme e Përkohshme Arta Marku në lidhje me raportin vjetor të organit të akuzës.

Kryeprokurorja Marku do të raportonte seancën që kaloi mirëpo nuk mundi të ishte e pranishme duke u justifikuar me gjendjen jo të mirë shëndetësore.

Një pikë tjetër e rendit të ditës është edhe miratimi i ndryshimeve ligjore në Kodin Penal, ku përfshihet edhe ‘krimi zgjedhor’.

Ditën e djeshme Komisioni i Ligjeve i miratoi këto ndryshime, ku mes të tjerash u bë me dije se kush pengon zgjedhjet do t’i ndalohet 5-10 vjet lëvizja jashtë vendit.

Po ashtu sot do të ketë interpelancë me ministren e Infrastrukturës dhe Energjitikës, Belinda Balluku kërkuar nga deputeti, Artur Roshi.