Arrestohen 6 gardianë në burgun e Peqinit

Arrestohen në flagrancë 6 punonjës në burgun e Peqinit. Ministria e Drejtësisë bën të ditur nëpërmjet një njoftimi për shtyp se arrestimi i tyre u bë për shkak se gjatë shoqërimit të të paraburgosurve në gjykatë kanë mbajtur telefona celularë dhe vlera monetare me vete. Sipas këtij dikasteri, ky veprim bie në kundërshtim me skemën e sigurisë.

“Në përfundim të veprimeve procedurale nga ana e Shërbimi i Kontrollit të Brendshëm në Burgje, rezultoi se këta shtetas kanë konsumuar veprën penale “Futja ose mbajtja e sendeve të ndaluara në institucionin e ekzekutimit të vendimeve me burgim” parashikuar nga neni 324/a i Kodit Penal”, theksohet në njoftimin për shtyp.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern