Edhe selia e Mbretërisë së Bashkuar në Shqipëri ka shpërndarë mesazhin e saj në prag të votimeve për pushtetin lokal në Shqipëri në 30 qershor.
Me anë të një njoftimi të shpërndarë për mediet, selia diplomatike Britanike shkruan se palët duhet të shmangin c çdo akt dhune të mundshëm.
Sipas saj palët duhet të ndalin retorikën dhe provokimet dhe të ulen në bisedime për zgjedhjen e kësaj krize.
“Çdo formë dhune është e dënueshme dhe e papranueshme. Ne mbështesim misionin e ODIHR për monitorimin e zgjedhjeve. Ne i bëjmë thirrje politikanëve të të gjithë palëve që të ndalojnë retorikën dhe provokimet e të ulen në dialog mes tyre. Vetëm përmes bisedimeve Shqipëria mund të zgjidhë krizën aktuale politike dhe duke u përqendruar në konsolidimin e gjykatës kushtetuese dhe reformës elektorale duke përfshirë në të rekomandimet e mëparshme të ODIHR-it. Mbretëria e bashkuar është e bindur se përpara ligjit janë të gjithë njësoj”, shkruhet në reagimin e Ambasadës Britanike.
