Anulimi i zgjedhjeve vendore, Meta tregon telefonatën me Lulzim Bashën

Presidenti Meta ashtu sic bëri me dije herët në mëngjes, po zhvillon konferencën për shtyp në prani të gazetarëve duke vijuar të sqarojë se përse mori vendimin për të shtyrë zgjedhjet e 30 qershorit.

Gjatë fjalës së tij, i pyetur nga gazetarët nëse kanë ndikuar takimet me Bashën dhe Berishën në vendimin e tij për të shtyrë zgjedhjet, Meta është përgjigjur se gjatë mitingut ka folur në telefon me Lulzim Bashën dhe i ka kërkuar të ndërpritet mitingu në rast se do të kishte akte dhune.

Pyetje: Në ditët e fundit kanë qarkulluar lajme për takime me Bashën dhe Berishën, a kanë ndikuar?

Ilir Meta: Po e shtoj edhe Monikën. Absolutisht! Dëgjova dikë që tha se e kam bërë për t’i shërbyer opozitë. Ndërkohë ai drejton një parti të sapokrijuar. Basha e ka marrë vesh vendimin në orën 7:10 në momentin e fillimit të mitingut. Përmes një telefonate të regjistruar. Basha nuk e di por  është edhe e regjistruar. I kërkova të ndërpritet mitingu nëse ka akte dhune. Ky vendim nuk bëhet për të plotësuar tekat e kryeministrit. Përkundrazi opozita ka çështje mjaft të drejta. Edhe opozita ka tekat e saj në kuptimin e kusheve të caktuara. Unë nuk jam këtu për të plotësuar tekat e opozitës, apo për të toleruar.