LIGJET E BIZNESIT
Kur duhet vetëm një ditë nga protesta e madhe numër 10 e Opozitës në Tiranë, ambasada e SHBA në vendin tonë la bërë një apel të fortë.
Në një shkrim të shpërndarë për mediet, selia diplomatike amerikane në Tiranë apelon organizatorët e kësaj proteste që të mos nxisin dhunën dhe të protestojnë paqësisht.
Ambasada i bën thirrje drejtuesve të opozitës që të mbajnë përgjegjësi për zhvillimin e protestës së nesërme dhe t’i bëjnë thirrje publikisht mbështetësve të tyre të mblidhen paqësisht.
“Shtetet e Bashkuara duan atë që meriton populli shqiptar: sundim të ligjit që mbron punonjësit civilë dhe shkollat nga sulmet e pakuptimta, që mbron integritetin dhe sigurinë e procesit zgjedhor, dhe që mban premtimin e së drejtës së qytetarit për të protestuar paqësisht ndërkohë që bën që ata që përfshihen në dhunë të mbajnë përgjegjësi. Nxisim të gjithë qytetarët dhe të gjitha institucionet kudo në Shqipëri që të mbështesin parimet e sundimit të ligjit, të refuzojnë dhunën në të gjitha format e saj, si dhe të ushtrojnë paqësisht të drejtat e tyre demokratike ndërkohë që lejojnë bashkëqytetarët e tyre të bëjnë të njëjtën gjë. Po ashtu, iu bëjmë thirrje organizatorëve të protestës së nesërme që të mbajnë përgjegjësi përballë po të njëjtave parime, t’iu bëjnë thirrje publikisht mbështetësve të tyre të mblidhen paqësisht si dhe të refuzojnë energjikisht dhunën në çdo mundësi”, thuhet në njoftimin e ambasadës së SHBA.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
