Një aksident i rëndë ka ndodhur para pak momentesh në autostradën Fushë-Krujë- Laç në afërsi të një karburanti.
Dy mjete, një kamion dhe një makinë tip “Smart” mësohet se janë përplasur me njëra-tjetrën.
Si pasojë e aksidentit ka humbur jetën Sonila Gurra, 26 vjec, nga Tirana.
Fillimisht ajo është dërguar në gjendje të rëndë në spital por nuk ka mundur t’i mbijetojë plagëve të marra.
NJOFTIMI ZYRTAR I POLICISE
Në autostraden Fushë-Krujë-Laç,pranë një karburanti ,mjeti tip Smart me drejtuese shtetasen S.G.,26 vjeçe, banuese në Tiranë,ka humbur kontrollin duke goditur nga pas mjetin tip kamion me drejtues shtetasin E.D.
Si pasojë ka mbetur e demtuar drejtuesja e mjetit Smart shtetasja S.G.,cila është transportuar në spitalin e Traumës Tiranë në gjendje të rëndë ku më pas ka ndërruar jetë
Grupi hetimor vazhdon veprimet në vendngjarje për sqarimin e rrethanave të aksidentit.
