Aksident rrugor në Berat, shoferi humb kontrollin dhe bie në kanal

Një aksident rrugor ka ndodhur sot në mëngjes në aksin Berat-Poshnje në Moravë.

Makina tip “Volkswagen” me drejtues A.H 39 vjeç, ka humbur kontrollin dhe si pasojë ka përfunduar në kanal.

Nga aksidenti ka marrë lëndime drejtuesi i mjetit i cili është dërguar për mjekim në spitalin Rajonal Berat.

39-vjeçari ndodhet jashtë rrezikut për jetën dhe nën kujdesin e plotë mjekësor.

Autoritetet po punojnë për zbardhjen e plotë të rrethanave të këtij aksidenti.