Aksident në mes të rrugës, përmbyset makina, plagosen 2 persona

Një aksident ka ndodhur sot në qytetin e Vlorës ku një makinë është përmbysur në zonën e njohur si “7 pallatet”.

Si pasojë e aksidentit kanë mbetur të plagosur 2 persona të cilët janë dërguar menjëherë në spitalin e Vlorës për të marrë ndihmën e parë.

Policia ka mbërritur në vendngjarje dhe po punon për zbardhjen e plotë të rrethanave shkaqeve të aksidentit.