Aksident në Gjirokastër, makina del nga rruga, plagosen 3 persona

Një aksident i rëndë ka ndodhur para pak minutash në Gjirokastër, si pasojë e të cilit kanë mbetur të plagosur 3 persona.

Ngjarja ka ndodhur në rrugën rurale të fshatit Krahës, ku makina tip “Toyota” me drejtuese shtetasen A.D 43 vjec, ka dalë nga rruga.

Si pasojë e aksidentit kanë mbetur të plagosur drejtuesja e mjetit dhe shtetasja me iniciale K.L, ndërsa shtetasja tjetër I.D ndodhet në reanimacion.

Policia ka mbërritur në vendngjarje dhe po punohet për zbardhjen e plotë të rrethanave dhe shkaqeve të aksidentit.