Një aksident i rëndë ka ndodhur mëngjesin e sotëm në Lushnje, ku raportohet se 3 makina janë përplasur me njëra- tjetrën dhe si për pasojë ka humbur jetën 18-vjecari Klodian Sharka.
Policia bën me dije se makina tip “Benz” e cila drejtohej nga Mariglen Sharka është përplasur me një makinë tjetër tip “Benz” me drejtues Bajram Sharkën, të dy kushërinj.
Pas përplasjes së dy mjeteve, makina e Maringlen Sharkës është goditur dhe me makinën tip “Jaguar” me shofer shtetasin G.Q, 33 vjeç, banues në Koplik.
Nga përplasja e fortë ka humbur jetën 18-vjecari Klodian Sharka i cili ishte pasagjer në makinën që drejtohej nga kushëriri i tij, Mariglen Sharka.
Të plagosur kanë mbëtur dhe dy shoferët e tjerë, Mariglen Sharka dhe drejtuesi tjetër nga Kopliku, G.Q 33 vjeç.
NJOFTIMI ZYRTAR I POLICISE
Sot pas mesnate në aksin rrugor Fier-Lushnje, në vendin e quajtur “Kryqëzimi i Shoferit” automjeti tip “Benz” me drejtues shtetasin M.Sh, 22 vjeç, banues në Hysgjokaj, Lushnje, është përplasur me automjetin tip “Benz” me drejtues shtetasin B.Sh, 31 vjeç, banues në Hysgjokaj, Lushnje dhe më pas është përplasur edhe me automjetin tip “Jaguar” me drejtues shtetasin G.Q, 33 vjeç, banues në Koplik.
Si pasojë e përplasjes ka humbur jetën në vend shtetasi K.Sh, 18 vjeç, banues në Hysgjokaj, Lushnje.(pasagjerë në automjetin tip “Benz” që drejtohej nga shtetasi M.Sh).
Gjithashtu dëmtime kanë marrë edhe dy drejtuesit e automjeteve, shtetasit M.Sh dhe G.Q të cilët ndodhen në Spitalin e Lushnjes nën kujdesin e mjekëve. Grupi hetimor po punon për zbardhjen e plotë të ngjarjes.
