Pas Erion Braçes, në të njëjtën qendër votimi ka shkuar për të votuar edhe kreu i Kuvendit, Gramoz Ruçi. Ai ka hyrë në qendrën e votimit rreth orës 07:42 dhe më pas ka bërë edhe një deklaratë për median.
“Siç e patë unë votova dhe zgjodha. Në garë janë 30 subjekte politike, kandidatë kishte dy. Do ishte më mirë të kishte më shumë subjekte politike dhe kandidatë. Sot nuk është dita të analizojmë këtë çështje, por të bëjmë apel për qetësi, maturi dhe vendosmëri”, tha Ruçi.
Nga e hëna, ai bëri thirrje për reflektim dhe analizë, si për opozitën që zgjodhi t’i bojkotojë zgjedhjet ashtu edhe për mazhorancën.
“Nesër do të jetë një ditë normale. Por nuk mbaron me këtë. Do vazhdojnë përpjekjet e politikës shqiptare që të hënën, as ata që vendosën me verdiktin e tyre për të mos marrë pjesë duhet të bëjnë analizë, por edhe mazhoranca duhet të bëjnë një analizë”, u shpreh kreu I Kuvendit.
I pyetur nëse kishte rrezik që këto të etiketoheshin si zgjedhje moniste, Ruçi tha: “S’ka burrë nëne që e vendos më diktaturën në Shqipëri”.
