“A do të kemi një dekret të tretë për zgjedhjet?” Meta sqaron gazetaren

Në konferencën për shtyp që sapo zhvilloi, presidenti Meta u pyet nga një gazetarë se a do të ketë një dekret të ri për të shmangur debatet e mëtejshme dhe mungesën e rivalitetit politik.

Meta tha se ky dekret tashmë është publik dhe ka marrë përgjegjësinë përpara qytetarëve dhe në rast se është nevoja do të përgjigjet edhe në Gjykatën e Hagës për vendimin e marrë.

“Ky dekret është publik, secili duhet të marrë përgjegjësinë e tij, unë kam marrë përgjegjësinë time para qytetarëve, dhe jam i gatshëm të përgjigjem përpara cdo gjykate që ka juridiksion në vendin tonë, përfshirë dhe Gjykatën e Hagës, të jeni të sigurt që është një vendim i mrekullueshëm, ku të gjithë të reflektojnë dhe ne të vazhdojmë këtë rrugë që kemi nisur. Unë jam një nga përfaqësuesit e lëvizjes së dhjetorit ku pata fatin për të marrë pjesë në takim me liderin komunist Ramiz Alia, dhe mund të kishim arritur atje ku arritën Pjetër Arbnori me shokë, dhe unë mendoj se kemi nevojë për reflektim, kryesisht kryeministri.

Po të kujtoni dhe Ramiz Alia e shtyu datën e zgjedhjeve për t’i krijuar mundësi opozitës të merrte pjesë në zgjedhjet e para pluraliste. Tani kemi mundesi pas 30 vitesh të ecim drejt një demokracie europiane.”, tha presidenti gjatë fjalës së tij në konferencë.