Ish-deputetja e PD, Dhurata Çupi ishte një nga të shoqëruarat në komisariat pas përplasjeve në KZAZ-në e qytetit të Burrelit.
Duke folur pas këtij ndalimi Çupi ka dhënë sqarime për atë që kishte ndodhur.
Duke folur për mediet ish-deputetja demokrate u shpreh se ka qëndruar rreth 30 minuta në komisariat pasi u shoqërua nga forcat RENEA.
“Tek Ura e Matit isha me Kryetaren e Forumit Rinor dhe me shoferin tim në makinën e Kryetarit të forumit, Denisa Vata. Nuk më dhanë asnjë shpjegim, më shoqëruan. Ishin dy policisë të RENEA me automatikë. Ndejta rreth 30 minuta në komisariat, plotësova një formular me gjeneralitetet e mia. Më pas u lirova. E para ju shikoni, e dyta kemi edhe foto brenda komisariatit. Unë nuk dua të bëj heroinën, pasi kishte shumë heronj të vërtetë, qytetarë të shoqëruar. Janë shumë djem e vajza të të shoqëruar”,- tha Çupi.
