Kryetari i Partisë Demokratike, i ka cilësuar si një proces fasadë zgjedhjet në Akademinë e Shkencave.
Përmes një reagimi në rrjetet sociale, kryedemokrati është shprehur se kryeministri Edi Rama po bën me Akademinë e Shkencave, të njëjtën gjë që po bën edhe me zgjedhjet elektorale në Shqipëri: zgjedhje false, që e kanë të përcaktuar fituesin ende pa u bërë votimi. Sipas Bashës, nëpërmjet kësaj, Rama po përpiqet që të dhunojë shkencën siç ka bërë edhe me demokracinë në vend dhe t’i ofrojë një post aleatit të tij, Skënder Gjinushi.
“Ashtu si “zgjedhjet” e tjera fale edhe në Akademinë e Shkencave po gatuhet “zgjedhja” e Gjinushit. Rama dhe banda në pushtet dhunon shkencën dhe artin njësoj si demokracinë, pronën, qytetarin, ekonominë, të drejtat politike, drejtësinë. Asnjë hap pas”, shkruan Basha.
Më hertë gjatë ditës së sotme ishte akademiku, Skënder Gjinushi, ai që njoftoi deri më tani në garë për kreun e Akademisë së Shkencave është Skënder Gjinushi, i cili ka drejtuar edhe grupin e punës për reformimin e Akademisë së Shkencave të Shqipërisë. Zgjedhjet në Akademinë e Shkencave të Shqipërisë do të mbahen më 24 maj.
