Zgjedhjet, habit Paloka: Dua që Rama të shkojë më 30 qershor

Më 30 qershor nuk do të ketë zgjedhje lokale sipas Partisë Demokratike dhe gjithë Opozitës së Bashkuar jashtë Parlamentit prej disa muajsh. Ish-deputeti i PD, Edi Paloka i ftuar në AbcNews ka habitur në intervistën e tij, teksa ka thënë se uron që Rama të tentojë të shkojë në zgjedhje me 30 qershor.

Paloka tha se kjo do të mbetet vetëm tentativë, pasi zgjedhje më 30 qershor kurrsesi nuk mund të ketë.

“Personalisht po ta them një gjë që nuk e kam thënë në asnjë vend. Unë uroj që Rama të shkojë më 30 qershor. Se në negociata hyhet në kushtet e të fortit, por sigurisht që kjo nuk do të ishte mirë për askënd në fakt. Jo në zgjedhje jo, të tentojë t’i bëjë zgjedhjet, se ato t’i harrojë ai.”- u shpreh Paloka.