Zëri i Amerikës ka reaguar ndaj dhunës së ushtruar nga policia ndaj Sahit Dollapit. Nëpërmjet një statusi në facebook, në sesionin shqip VOA thekson se një skuadër e shtuar policore, e armatosur dhe pajisur rëndë arrestoi Dollapin, “edhe pasi u identifikua si politikan, duke hequr maskën anti-gaz nga fytyra, i veshur civil dhe i pambrojtur me vetëm një celular në dorë”.
POSTIMI I PLOTË:
Tiranë: Një skuadër e shtuar policore, e armatosur dhe pajisur rëndë, arrestoi sonte në sheshin para parlamentit sekretarin organizativ të Partisë Demokratike, Sahit Dollapi, edhe pasi u identifikua si politikan, duke hequr maskën anti-gaz nga fytyra, i veshur civil dhe i pambrojtur me vetëm një celular në dorë. Forca të shumta policore janë vendosur përpara institucioneve kryesore, kryeministri dhe parlament, gjatë protestës së opozitës.
