Gjykata e Tiranës ka pushuar sot çështjen për Kastriot Gjuzin, i cili prej 1 viti mbahej i burgosur si i dyshuari kryesor për vrasjen e Marjo Majollarit, e ndodhur prillin e kaluar në zonën e Kinostudios.
Sipas Prokurorisë, nuk ka pasur prova në ngarkim të Gjuzit, dhe gjykata ka vendosur lirimin e tij.
Gjuzi u arrestua 9 ditë pas vrasjes së Majollarit, në Vërnicë të Kosovës dhe menjëherë iu dorëzua autoriteteve shqiptare për “Kalim të paligjshëm të kufirit”.
‘Nuk kam lidhje me vrasjen. Kam qenë afër vendit ku u vra Majollari, pasi 50 metër më larg kam vjehrrës. Kur ka ndodhur ngjarja kam qenë në shtëpinë dhe kur erdhi policia unë kujtova se kanë bërë sherr nipat që loznin futboll, dhe shkova te komshia. U largova direkt në Kosovë, më kanë kapur ndërsa kthehesha në drejtim të Shqipërisë, në autostradë’, tha Gjuzi para Togave të zeza.
