Vrasja e deputetit Fatmir Xhindi, djali kërkon drejtësi: 10 vite të vështira, gjejini që shpirti i tij të kërkojë paqe

Kanë kaluar 10 vite nga vrasja e deputetit socialist Fatmir Xhindi dhe ende nuk është zbuluar se kush e ka vrarë.

Në 10 vjetorin e vrasjes së tij, ka mbajtur fjalim dhe djali i tij, sot deputet, Anduel Xhindi.

Ai apelon për drejtësi dhe thotë se edhe pse kanë kaluar 10 vjet ata nuk e dinë kush e vrau babain e tyre.

“U bënë 10 vite që kur im atë është ndarë nga jeta, dhe drejtësia se ka dhënë fjalën e saj. Ne na mundon pyetja, kush e vrau Fatmirin dhe pse. Gjej rastin t’ju bëj thirrje institucioneve, që të gjithë ne të biem rehat, dhe shpirti t’i prehet qetësisht. Kanë qenë vite të vështira pa të, por ne gjejmë rastin të falenderojmë të gjithë ju këtu, për mbështetjen që na keni dhënë.”-ka thënë deputeti  Anduel Xhindi.