Task Forca e ngritur nga Ministria e Mbrojtjes do të niset urgjent drejt Letonisë.
Së bashku me autoritetet letoneze Task Forca do të ndjekë hetimin e plotë të aksidentit që I mori jetën ushtarakes Zarife Hasanaj.
Grupi, në përbërje të të cilit ka përfaqësues nga Agjencia e Inteligjencës dhe Sigurisë së Mbrojtjes, Policia Ushtarake dhe Drejtoria e Inspektimit në MM do të punojë për rrethanat e ngjarjes, mbledhjen e provave etj.
Autoritetet letonze dhe forcat e NATO-s kanë nisur punën për zbardhjen e ngjarjes së ndodhur ku përveç ushtarakes Hasanaj, mbetën të plagosur edhe major Klodian Tanushi dhe nëntetar Julian Kapaj. Në kamp janë ndërprerë përkohësisht trajnimet deri në zbardhjen e plotë të ngjarjes.
Ndërkohë edhe ministrja e Mbrojtjes Olta Xhaçka është nisur me urgjencë drejt Letonisë duke ndërprerë vizitën zyrtare në Itali.
