Vazhdon mbjellja e hashashit në vend, helikopteri zbulon parcelat me kanabis në Memaliaj

Rreth 300 bimë Kanabis Sativa janë gjetur nga policia të mbjella në katër parcela në fshatrat Xhafaj dhe Krahës të Memaliajt.

Gjatë kontrollit të territorit nga policia me helikopter, në një territor të pyllëzuar, u konstatuan katër parcela me rreth 300 bimë kanabis.

Ndërkohë, mësohet se janë shoqëruar në polici kryeplaku i fshatit Xhafaj dhe përgjegjësi i njësisë pyjore. Ata akuzohen se nuk kanë raportuar për parcelat me kanabis.