Vajza u vetëhelmua nga kërcënimet e tij, arrestohet 17 vjeçari nga Berati

Policia ka arrestuar një 17 vjeçar me iniciale D.K në Berat për përndjekje të shtetases me iniciale A.C në të njëjtën moshë me të.

Mësohet se 17 vjecari ka kërcënuar me mesazhe në celular vajzën e cila më pas nga gjendja e rënduar psikologjikë dyshohet se ka pirë fotstoksinë.

17 vjecarja ndodhet në QSUT në gjendje të rëndë për jetën.

Vajza është banuese në Dyshnik dhe vazhdon shkollën e mesme në qytetin e Beratit.

NJOFTIMI ZYRTAR I POLICISË

“Më datë 05.05.2019, nga Specialistët e Seksionit për Krimet u bë arrestimi në flagrancë i shtetasit: D.K, 17 vjeç, banues në Berat. Arrestimi i tij u bë pasi, paraditen e sotme është paraqitur në Spitalin Rajonal Berat, për ndihmë mjekësore, e vethelmuar me pesticide, shtetasja A.Ç, 17 vjeçe, banuese në Berat, e cila u dërgua për ndihmë të specializuar në QSUT.  Nga hetimet rezulton se shtetasi i mësipërm e ka përndjekur prej disa ditësh me mesazhe telefonike.  Materialet u referuan në Prokurorinë e Rrethit Gjyqësor Vlorë për veprën penale “Përndjekja”, parashikuar nga neni 121/a të Kodit Penal.“