Sot është zhvilluar edhe ceremonia e varrimit të majorit Klodian Tanushi, i cili do të prehet te “Varrezat e Dëshmorëve”.
Gjatë homazheve në Muzeun Kombëtar, përpara se majori të përcillej në banesën e fundit, ministrja e Mbrojtjes Olta Xhaçka ka zbuluar edhe amanetin e tij të fundit.
‘Në ceremoninë e 10-Vjetorit të NATO-s, të cilin e festuam pak kohë më parë, major Klodian Tanushi na dërgoi një mesazh urimi live nga Letonia. Në ato pak fjalë, që ai i shqiptoi me emocion, na la edhe amanetin e fundit: Mbi interesat vetjake, të vëmë interesat e mbarë shoqërisë’, tha mes të tjerash Xhaçka.
Teksa fliste dhe ngushëllonte familjarët e të ndjerit major Klodian Tanushi, ministrja dukej e prekur dhe e përlotur.
