Arian Galdini, një prej aleatëve të kryetarit të Partisë Demokratike Lulzim Basha, ka shpallur kandidaturën për Bashkinë e Tiranës.
Galdini i cili do të konkurojë përballë kryetarit aktual Erion Veliaj, ka kërkuar që elektorati i djathtë opozitar ta mbështesë, duke ftuar kështu dhe partinë më të re të Astrit Patozit “Bindja Demokratike” si dhe koalicionin “Shpresa për ndryshim”.
Arian Galdini është kryetar i partisë Liri, Demokraci dhe Etikë dhe shprehet se gjithçka që ai synon është lehtësimi dhe bashkimi i të djathtëve për tua rikthyer Tiranën qytetarëve të saj.
Ai shton se është i hapur të bashkëpunojë me këdo që do të konkurojë me një platformë opozitare.
POSTIMI I PLOTE I ARIAN GALDINIT
Ftoj të gjitha ato parti politike dhe Koalicione Opozitare të djathta pjesëmarrëse në zgjedhjet lokale, që ende nuk kanë kandidat për Bashkinë e Tiranës, të më mbështesin mua në sfidën time për tu përballur me Lal Çerin si Kandidati Opozitar i Djathtë për Kryetar Bashkie në Tiranë.
Ndërkohë ne si LDE po punojmë fort për mbledhjen e firmave.
Por janë jashtëzakonisht shumë firma dhe kemi shumë pak ditë në dispozicion.
Jam e jemi të hapur për bashkëpunim me këdo që do të konkurojë me një platformë opozitare të djathtë përballë Lal Çerit.
Gjithçka dua është lehtësimi dhe bashkimi i të djathtëve në këtë betejë e sfidë për tua rikthyer Tiranën qytetarëve të saj.
I bëj thirrje Bindjes Demokratike dhe Koalicionit “Shpresa për Ndryshim”, që të më mbështesin si Kandiatin Opozitar të Djathtë për Kryetar Bashkie në Tiranë.
Jam i hapur për bashkëpunim që ta kemi mundësinë e kësaj gare në Tiranë.
Delalifikimi është mision madhor për të djathtën.
Jam gati dhe i përgatitur plotësisht që të bëjmë një sfidë fituese në Tiranë.
Ju faleminderit shumë.
Shpresoj e besoj shumë tek Bashkimi i së Djathtës.
E djathta është Shumicë e mund ta fitojë Tiranën.
