Tjetër incident në Eurovision, flamuri palestinez shpaloset në skenën e Tel Avivit

Një tjetër incident është shënuar në Eurovision, pas atij ku humbi jetën në prapaskenë një 66-vjeçar të cilit gjatë provave i ra skena e ndriçimit.

Mbrëmë gjatë finales, flamuri palestinez është shpalosur në skenën e Tel Avivit.

Ky episod ka ndodhur dy herë, njëherë kur po performonte diva e Pop-it Madona.

Gjatë shfaqjes së këngës “The Future”, dy balerinë iu drejtuan audiencës, një me flamur palestinez në anën e pasme dhe një tjetër me flamurin e Izraelit.

Më vonë, grupi Hatari nga Islanda, shpalosi flamurin palestinez me mbishkrime palestineze gjatë momentit që po transmetoheshin rezultatet.

Në fund të konkursit, Bashkimi Europian i Transmetimeve (EBU) lëshoi ​​një deklaratë që dënonte përdorimin e flamurit palestinez gjatë konkursit.

“Eurosong është një ngjarje jopolitike, e cila është në kundërshtim me rregullat e konkurrencës. Pasojat e këtyre veprimeve do të diskutohen nga komiteti ekzekutiv i konkursit”, tha EBU në një deklaratë.

Izraeli dhe Palestina janë dy shtete që historikisht kanë qenë në konflikt me njëri-tjetrin, dhe shpeshherë ky konflikt shoqërohet dhe me sulme luftarake, kryesisht në Rripin e Gazës.