Nuk kanë të sosur telashet për Tiranën. Përtej halleve të mëdha që ka në fushën e lojës dhe mbijetesën që ende nuk e ka siguruar, Tirana do duhet të përballet edhe me probleme që vijnë nga tifozët e saj fanatik.
Mësohet se një tifoz bardheblu me inicialet M.M 23 vjeç është proceduar penalisht nga ana e policisë dhe antiterrori për thirrjet fetare të bëra në stadium në ndeshjen e Superligës Laçi-Tirana. Tifozi në fjalë mendohet se është nxitësi i thirrjeve “Allahu Akbar” nga grupimi “Tirona Fanatics” në ndeshjen që ekipi bardheblu zhvilloi në transfertë.
Arsye se përse këto thirrje kanë bërë shumë përshtypje është se Laçi i njohur përgjithësisht si një qytet me shumicë qytetarësh të besim katolik dhe një thirrje e tillë mund të jetë marrë si provokim me bazë fenë.
