Grabitësi i aeroportit të Rinasit, Admir Murataj është qëlluar nga një distancë prej 15 metrash.
Në këtë kokluzion kanë dalë ekspertët e Mjekësisë Ligjore.
Ekspertiza i është dorëzuar Prokurorisë së Krimeve të Rënda, të cilët po kryejnë hetimet lidhur me grabitjen e aeroportit të Rinasit.
Në dokumentin e mjekësisë ligjore thuhet se predha në kokën e Muratajt është tejshpuese me vrimë hyrje në lobin temporal të majtë dhe dalje mbi nofullën e djathtë. Nga ana tjetër ende nuk është përcaktuar lloji i armës së zjarrit me të cilën është qëlluar.
Disa ditë më parë, familjarët dorëzuan padinë duke hedhur dyshime për mënyrën e vrasjes së Muratajt.
Më pas Krimet e Rënda mbyllën çështjen e 44-vjeçarit, pasi Mjekëisa Ligjore dorëzoi certifikatën e vdekjes.
