Dy persona kanë humbur jetën si dhe janë plagosur 16 të tjerë, si pasojë e një sulmi me thikë në një stacion autobuzi në Tokio të Japonisë.
Sipas mediave japoneze viktimat janë një vajzë 12 vjecare dhe një burrë i moshës 39 vjec të cilët nuk kanë mundur ti rezistojnë plagëve të marra.
Autori i sulmit, një 57 vjecar, ka vdekur pak minuta pas sulmit pasi goditi veten me thikë në një park në qytezën Kawasaki, në jug të kryeqytetit.
Dy vajza dhe një grua në të dyzetat e saj po trajtohen për plagë të rënda, sipas agjencisë së lajmeve Kyodo.
Të 13 fëmijët e tjerë të plagosur, të cilat mendohen se janë vajza nga 16 deri në 12 vjec, janë nxënës në shkollën fillore të Karitasit dhe kanë qenë duke pritur autobuzin kur i dyshuari ka nisur sulmin me thikë.
Autori i cili ka qëlluar veten në qafë dhe ka vdekur pas sulmit ene nuk është identifikuar.
Sipas raportimit të mediave sulmi ka ndodhur në orën 7:45 të mëngjesit.
Policia ka gjetur dy thika në vendin e ngjarjes.
Dëshmitarët kanë thënë se i dyshuari po mbante një thikë në dorë dhe filloi duke i sulmuar viktimat teksa po prisnin autobuzin.
Ato shtuan se ai kishte flokë të shkurtra dhe mbante syze dhe bërtiste që do t’i vriste.
Japonia është shteti me kriminalitetin më të ulët në botën e zhvilluar. Sulmet masive janë të rralla por në raste sporadike ka patur sulme me thikë.
Në vitin 2016 një burrë që donte të vriste njerëz me paaftësi fizike dhe mendore vrau 19 veta dhe plagosi 26 të tjerë në një klinikë kujdesi shëndetsor në afërsi të Tokyos.
Në 2011 tetë fëmijë vdiqën dhe 19 të tjerë u plagosën kur një burrë hyri në një shkollë fillore dhe filloi një sulm masiv me thikë.
Në 2018 7 persona u vranë nga një person që shkeli me kamion turmën e njerëzve nqë qendër të Tokios.
Burimi:The Guardian
Perktheu ne Shqip: Fast News Albania
