Skandali me ushqimet me hormone/ Shkarkohet kreu i ISUV, zbulohet emri i ish zyrtarit të rëndësishëm që e zëvendëson

Pas publikimit në media të emisionit Top Story në lidhje me pasigurinë ushqimore dhe sesa të rrezikuar ishin konsumatorët nga ky fakt, ka ardhur dhe reagimi i qeverisë.

Mësohet se është shkarkuar kreu i Institutit të Sigurisë Ushqimore dhe Veterinarisë, Pëllumb Aleksi dhe në vend të tij do të emërohet Armand Reveli, i cili më parë ka mbajtur postin e nëndrejtorit të Doganave.

Kjo lëvizje gjithashtu erdhi edhe pas denoncimeve të tjera të shumta nga ana e qytetarëve në media dhe në rrjete sociale, ku është shprehur shqetësim në lidhje me ushqimet që konsumohen në jetën e përditshme, duke shtuar se ato kanë hormone dhe nuk janë aspak të sigurta.

Në disa nga denoncimet e mëtejshme thuhej se në ushqime injektohet një dozë e lartë hormonesh si edhe produktet e ndryshme të bulmetit hidhet allçi në vend të qumështit.