Vetëm pak minuta larg nga qendra e Tiranës, rruga “Shqyri Ishmi” nuk i ngjason aspak një segmenti të një qyteti europian. Rruga lidh një nga pjesët më dinamike të kryeqytetit, si tregu elektrik me bulevardin “Zhan D’Ark”, por pamja që të ofron ngjason me atë të një qyteti në gjendje lufte.
Baltë, mungesë trotuaresh, pa kanalizime, kazanët e plehrave të papastruar prej ditësh dhe makina të parkuara kuturu, kjo është panorama që të ofron kjo rrugë fare pranë qendrës me shumë drita dhe të stolisur edhe me lule nga Bashkia Tiranë. Rruga është një gangrenë për të gjithë banorët e kësaj zone, por edhe të atyre që kalojnë përmes saj për të vazhduar drejt pjesëve të tjera të kryeqytetit.
Siç duket edhe në fotot e dërguara në redaksinë e “Fast news Albania”, gjendja në këtë pjesë të Tiranës është më shumë se e mjerueshme dhe i ngjason shumë asaj shprehjes që kryeministri Rama dhe kryebashkiaku Veliaj kanë qejf ta përdorin shpeshmi, “Rrugë e lënë rrugëve”.
