Presidenti Ilir Meta sot në konferencën për sfidat e sigurisë ka folur i shqetësuar për krizën politike në të cilën po kalon vendi.
Ai është ndalur dhe te shprehja e cila është përdorur më shumë së fundmi në vend, ku thuhet se qeveria nuk mund të shtyjë zgjedhjet për shkak se shkelet Kushtetuta.
Sipas Ilir Metës Kushtetuta është shkelur njëherë në vitin 2008.
Sa për reformën në drejtësi Presidenti ka thënë se po te ishte e suksesshme, sot vendi nuk do të ishte pa Gjykatë Kushtetuese.
PJESE NGA FJALIMI I PRESIDENTIT META
Koha po ikën, kanë kaluar 30 vite ende kemi probleme të mëdha. Kemi krizë serioze në Shqipëri që nuk mund të shmagemi brenda së cilës duhet të sillemi me shumë përgjegjësi së pari për qytetarët.U bë një kushtetutë e jashtëzakonshme për të parandaluar një 97 për të menaxhuar kriza të dala jashtë kontrollit. Në vitin 2008 mos harrojmë për 2 ditë një kushtetutë e bërë me aq debate ia hoqëm të gjitha pikat. Kontroll balancë llogaridhënie dhe kaluam nga një sistem parlamentar në një sistem të mbyllur partiak. Parlamenti nuk është se nuk është funksional se dy partitë e opozitës në mënyrë të papranueshme kanë lënë mandatet por ka qenë jo funksional edhe kur kanë qenë ata.
Për reformën në drejtësi. Po bëhen 3 vite nga miratimi me konsensus në Kuvend dhe nuk do të them është sukses apo dështim, por nëse do ishte sukses Shqipëria në asnjë minutë nuk do ishte pa gjykatë kushtetuese. Kur isha kryetar Kuvendi thashë po patjetër por kujdes se mund të cënohet Gjykata Kushtetuese.
Dy herë janë hedhur shortet e KLD, kur kam qenë unë kryetar Kuvendi dhe më pas në 2017 kur isha Presidenti që është institucioni kryesor. Kam bërë përpjekjet më të mëdha që gjithcka të bëhet në përputhje me kushtetutën. Herën e dytë si president duke ditur dështimin e parë, kam kërkuar me shkrim angazhimin e delegacionit të BE. Kam folur hapur por ne e dimë shumë mirë se çfarë ka ndodhur. Duhet të unifikojmë një qendrim të përbashkët se jemi në një situatë ekstraligjore që të mos kemi debate.
